تحلية الكؤوس "الروايال" مجربة و لذيذة (المكونات و الطريقة)

تحلية الكؤوس 😋

الطبقة الاولى درت سوبر كرام بذوق الليمون
الطبقة الثانية درت كرام باتسيار فيها نص لتر حليب و 4 ملاعق ك سكر و 3 ملاعق ك مايزينة درتهم فوڨ النار حتى خثار نحيتو مالنار و درت م ك زبدة و خليتها تبرد
طلعت نص كاس شانتيي مع نص كاس حليب طلعتها
 كبردت كرام باتسيار خلطهوم مع بعض بالباتور و درتها فالفريجيدار تبرد


و الجينواز درتلها 3 حبات بيض و 4 ملاعق ك سكر  طلعتهم مليح و زدتلهم 3 م ك فرينة و 1.5 م ك كاكاو و 1 خميرة الحلوى و طييتها



وجدت سيرو درت فيه نص.كاس سكر و كاس ماء خليتو يفلي 10 دقايق و نحيتو زدتلو ملون احمر
وجدت الكؤوس درت سوبر كرام و كرام باتسيار و بيدي قسمت الجينواز نغطسها فسيرو و ندير فوڨ لكرام و عاودت درت لكرام و التزيين اختياري


جربوها و ردولنا الخبر فالتعليقات 😉

• غرد تغريدة
• شاركه
• شاركه
• شاركه
• شاركه

إشترك بالنشرة البريدية